تخصص قابلة للصحة العمومية – Sage Femme

تخصص قابلة في الصحة العمومية في الجزائر - sage femme de santé publique
تخصص قابلة فِي الصحة العمومية فِي الجزائر

تخصص قابلة لِلصِّحَةِ العمومية :

قابلة لِلصِّحَةِ العمومية : القِبالة هِيَ مهنة تابعة للرعاية الصحية تقدم فِيهَا القابلات الرعاية للنساء المقبلات عَلَى الولادة خِلَالَ فترة الحمل، المخاض والولادة، وَخِلاَلَ فترة مَا بعد الولادة. ويهتمون أيضًا بحديثي الولادة حَتَّى سن ستة أسابيع، بِمَا فِي ذَلِكَ مساعدة الأم فِي الرضاعة الطبيعية.

كيفية الوُلُوج لِهَذَا الميدان – قابلة لِلصِّحَةِ العمومية :

sage femme de sante publique : أصبحت ضمن الخيارات فِي قائمة التخصصات الجامعية لناجح البكالوريا مثلها مثل كل تخصصات الشبه طبي و عادة يكون معدل القبول فِيهَا أعلى من التخصصات الأخرى هِيَ التخصص الوحيد الَّذِي يدرسه الإناث فَقَطْ .

معدل قبول قابلة فِي الصحة العمومية :

معدل القبول يختلف من ولاية لاخرى وَمِنْ عام لعام مثلا فِي عام 2020 كَانَت معلات القبول :

بسكرة 13.50

تلمسان 16.24

الوادي 12.80

يختلف من منطقة لأخرى و أحيانا يتجاوز معدل القبول فِي الطب ، و هَذَا بِسَبَبِ ضمان الوظيفة مباشرة بعد نهاية فترة الدراسة والتَّكْوين فِي معاهد الشبه الطبي .

قابلة فِي الصحة العمومية – مُدَّة الدراسة :

مُدَّة الدراسة فِي تخصص قابلة فِي الصحة العمومية : 5 سنوات ( فِي السابق كَانَت فترة الدراسة 3 سنوات فَقَطْ ) فِي ثلاث سنوات يتم دراسة عدة مقاييس مهمة .

العام الأول : يتم دراسة علم التشريح ( تنقسم إِلَى جزأين الأول : تدرسون جسم الانسان بصفة عامة وَمِنْ بعد تدرسون anatomie obstetricale يتم التعرف فِيهَا عَلَى كل مَا يَخُصُّ جسم المرأة ، لغة فرنسية، الانتروبولوجيا، الصيدلة (عموميات فَقَطْ)، علم الأجنة (أطول مقياس)، fondement de la profession ,terminologie (القاموس الطبي) ، IUC (كيما علم النفس) ….

وَفِي هَذِهِ السنة رايح تديرو فِيهَا تربص ف ثلاث مصالح أساسية (الجراحة العامة، الطب الداخلي، جناح العمليات)

العام الثاني : تقراو فِيهِ بِشَكْل أوسع عَلَى كل مَا يَخُصُّ المرأة و الجنين تقراو التغذية تقراو كل مايخص الولادة (كيفاش و وينتا والأمراض لِي تلحق بالمرأة الحامل وَلَا عِنْدَ الولادة وتتعمقو أكثر ف مقياس L’anatomie obstetricale, تقراو مقياس طويل ومهم وَهُوَ néonatologie (كل مايخص الجنين من اول مايتكون)، مقياس خاص بالتحاليل الطبية كذلك، مقياس خاص بطريقة انجاز مذكرة .

فِي هَذَا العام راح تدخلو تربص ف المستشفى لمصلحة من مصالح التوليد 

وباه يكون ف علمكم راح يكون لازم عَلَيْكُم ف التربص تديروه ف الليل بمعنى ( les gardes )يَعْنِي ف الأسبوع عندك 1garde 

العام الثالث : راح تعاودو تقراو مقياس الصيدلة (تتعمقو اكثر)، الأمراض الَّتِي تصيب الحامل … وَفِي هَذَا العام عندكم حاجة اسمها examen finale وراح يكون وطني (كتابي (ف المعهد ) وتطبيقي (ف المستشفى)) و لِي تنجح ف هَذَا الامتحان تطلع للعام 4 و 5 لِي راح يكون التركيز فيهم عَلَى الايكوغرافي وتبقاو كل مرة تديرو تربص ف المستشفيات

كي تكملو 5 سنوات تتخرج عَلَى اساس قابلة لِلصِّحَةِ العمومية sage femme de santé publique الشهادة تاعك تخليك تخدمي مباشرة لأنو كاين نقص ف القابلات ف الجزائر وتقدري مورا ماتخدمي 5 سنوات ف مستشفى حكومي إنك تفتحي عيادة خاصة (طبعا إِذَا كَانَ عندك خبرة) مَعَ العلم تقدري تخدمي ف مستشفى حكومي و ف الخاص 

القابلة قَد مَا خدمتها مليحة وفيها أجر بصح لازم تستغلي كامل الوقت تاعك ف المستشفى باه تتعلمي أي حاجة حَتَّى و تكون ماشي خدمتك (تعلمي تديري كامل التحاليل الطبية وتقرايها، تعلمي تقراي نَتَائِج الراديو وَحَتَّى إِذَا لقيتي فرصة تعلمي تديريه ولو فكرة بسيطة.

اتعلمو ف السنة الأُوْلَى اي شيء يَخُصُّ جسم الإنسان بالفرنسية لأنو مهم جدا حاولو تدخلو تشوفو العمليات الجراحية باه تكون عندكم نظرة عَلَى جسم الإنسان مباشرة ،تعلمو الأساسيات كيما كيفاش تديري لبرة كيفاش تقراي دوسي تاع مريض كيفاش تديري pansement تعرفو عَلَى أي دواء وسقسو وقتاش يستعمل وعلاش … حاولو تشوفو كامل المصالح les services باه تدو نظرة عامة لانو صح نتي راح تتعاملي مَعَ المرأة الحامل والجنين برك لكن يمكن المرأة هذيك تكون عندها مرض من الأمراض لِي من المفروض تكون عندك فكرة عَلَيْهِ …. تعلمو تسمعو للناس لِي عندها خبرة ف المجال بصح ماشي كلشي يمدوهلكم صح يَعْنِي دو المعلومة وسقسو عَلَيْهَا وراهي كاين النت وشوفو 

الساج فام مرأة حكيمة ماشي accoucheuse برك يَعْنِي ماشي تتعلمي كيفاش تولدي برك لازم تتعلمي التوليد و كل مايخص المرأة الحامل والجنين تاعها كيما الحقن لِي لازم و لِي مالازمش تديهم لازم تعرفي واش لازم تأكل واش ممنوع عَلَيْهَا لازم تعرفي واش لازم يأكل البيبي من أول نهار حَتَّى لعمر 5 سنوات

معدل القبول يكون عَلَى حَسَبَ كل ولاية مثلا ف الجنوب يلحق عندهم ل13 لأنو عندهم نقص ف المقابلات و نقص فِي الطلب أَيْضًا 

ولايات الوسط 14.90 أدنى معدل.

راتب قابلة فِي الصحة العمومية :

le salaire d’une sage femme en algerie : راتب القابلة يختلف من منطقة إِلَى أُخْرَى (الصحراء و التل) محصور بَيْنَ 38000 – 42000 دج

اضافات:

1. تخصص ساج فام منفصلتماما عَنْ التخصصات شبه الطبية .

2. تخصص ممرض يتيح فرصة إتمام دراسة تخصص مَا حَيْتُ بعد العمل مُدَّة معينة (خبرة) يتم إجراء مسابقة و الناجحون يحظون بفرصة اتمام التكوين لمدة سنتين فِي تخصص معين .

3. يجد ثلاث معاهد وطنية للقابلات هِيَ : ” عنابة ، تيزي وزو، تلمسان ” لكن اغلبية المعاهد الشبه طيبة فِيهَا ملحقات يقراو فِيهَا القابلات فِي ولاياتهم وَلَا الولايات القريبة عَلَيْهِمْ تعمل القابلة بدرجة 13 عَلَى سلم العمل (تحدد الراتب) عكس الشبه الطبي درجته 11 القابلة، تقدر تمد ادوية معينة وعندها كاشي تاعها الخاص ولوردونونس تاعها .

4. العمل تاع الساج فام يومين بيومين يَعْنِي تخدم يومين وتريح يومين و تاني تقدرو تكتبو وصفة الدواء لكن الدواء لَا يشترى ببطاقة الشفاء .

تابع قراءة جميع التفاصيل عَنْ تخصصات شبه الطبي فِي الجزائر :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *